“Ўзбекнефтгаз” Миллий холдинг компанияси ўзининг Қашқадарё вилоятидаги шўъба корхонаси бўлган Муборак газни қайта ишлаш заводида 170 млн долларлик модернизация ишларини амалга оширишни бошлади.
“Керакли моддий-техник захираларни сотиб олиш учкн тендер эълон қилинган, лойиҳа молиялаштириш учун очилди”, деб айтди завод вакили.

Унинг айтишича, йил охиригача керакли техник ускуналарни сотиб олиш учун яна бир нечта тендер эълон қилинади. Лойиҳада учта универсал блок (19, 20, 21) таркибида қуввати йилига 6 млрд куб метрни ташкил қиладиган газни олтингугуртдан тозаловчи саккизинчи навбатни босқичма-босқич қуриш кўзда тутилган.

Лойиҳа “Ўзбекнефтгаз”нинг 80 млн долларлик шахсий маблағлари, Ўзбекистон реконструкция ва тараққиёт жамғармасининг 50 млн долларлик ҳамда ўзбек банкларининг 40 млн долларлик маблағлари ҳисобига амалга оширилади.

Модернизациялаш табиий газни олтингугурт водород ва нордон газдан тозалаш учун ўрнатилган қувватларнинг ишончли ишини ва табиий газни қайта ишлаш ҳажмини оширишни таъминлайди.