Жорий йилнинг бошидан буён Тошкентда 134 янги юк вагони қурилди. Шулардан 10таси ёпиқ, қолгани эса ярим очиқ вагонлардир. Бу ҳақда “Ўзбекистон темир йўллари” ДАКга тегишли Қуюв механика заводи иқтисодиёт бўлими бошлиғи Шоҳрух Маннонов маълумот берди.

Унинг сўзларига қараганда, жорий йилнинг биринчи ярмида бу борадаги ишлаб чиқариш ҳажми 50.6 фоизга ошди.

“Халқ истеъмоли молларини чиқариш бўйича вазифалар 120 фоизга бажарилди, ўсиш суръати эса 38.7 фоизни ташкил қилди. Юк вагонларини капитал таъмирлаш ва модернизация қилиш режасига биноан 270 вагон таъмирдан чиқарилди”, – унинг сўзларини келтиради “Правда Востока” нашри.

Шунингдек, у ўтган йили 271та ярим вагон ва 120та ёпиқ вагон ишлаб чиқарилганини, 250 вагон таъмирдан чиққанини эслатиб ўтди.