Япония ўзбекистонлик мутахассислар стажировкасига 1.69 млн доллар ажратди. Бу борадаги алмашув ноталарини Тошкентда Япония элчиси Фумихико Като ва Ўзбекистон бош вазирининг ўринбосари Адҳам Икромов имзоладилар. Бу ҳақда Япония элчихонасининг матбуот хизмати хабар берди.

Япония ҳукумати томонидан “Кадрлар тайёрлашга стипендиялар тақдим этиш” лойиҳаси бўйича ажратилаётган грантлар бўйича алмашув грантларини имзолаш маросими 7 август куни Вазирлар Маҳкамасида бўлиб ўтди.
Лойиҳа Япония томонидан 1999 йилдан буён келажакда иқтисодиёт, молия ва қонунчилик соҳаларида давлат стратегиясига жалб қилинадиган истиқболли кадрларни етиштириш мақсадида амалга ошириб келинмоқда. Бугунги кунга қадар ушбу лойиҳа бўйича Япония олийгоҳларида магистратураларида 265 нафар ўзбекистонлик таълим олди.

Бу сафар лойиҳа ижроси учун ажратилаётган маблағ 211 млн иенани ёки 1.69 млн долларни ташкил қилди. 16-стажировка августда бошланади, унда Ўзбекистоннинг 15 вакили иштирок этади.
1999 йилдан Япония ҳукумати ушбу лойиҳага 4.382 млрд иена ажратган.