Самара шаҳридаги "Палуба" кафесида келиб чиққан муштлашув чоғида Москванинг "Спартак" жамоасининг ёш мухлиси ҳалок бўлди.

Манбанинг маълум қилишича, айни вақтда бу ҳодиса бўйича гумондор қўлга олинган. Воқеа жойида тезкор гуруҳ иш олиб бормоқда.

Гувоҳларнинг қайд этишича, марҳум "Спартак" жамоаси либосида бўлган.

Маълумот учун, бугун "Спартак" Самарада маҳаллий "Крилья Советов" жамоасига қарши чемпионатнинг 4 тури доирасидаги учрашувни ўтказади.