"Барселона" жамоаси ўз футболчиси Педро Родригесни "Манчестер Юнайтед"га трансфер қилишга шошилмаяпти.

Sport.es нашрининг хабар беришича, каталонияликларнинг бошқа бир ҳужумчиси соғлигидаги муаммолар туфайли янги мавсум стартини ўтказиб юборади ва Педро унинг ўрнини билинтирмай туриши керак бўлади. Шундай зарурат туфайли унинг Англияга йўл олиши амалга ошмай қолиши мумкин.

Қайд этилишича, Педро 11 август куни Тбилисида "Севилья"га қарши Европа Суперкубоги баҳсида майдонга тушади. "Манчестер Юнайтед" эса 18 ва 26 август кунларида ЕЧЛ плей-офф босқичида "Брюгге"га қарши ўйинлар ўтказади. Жамоа қисқа муддат ичида Педрони трансфер қилиб, ЕЧЛ қайдномасига киритишга улгуришига кўпчилик ишонмаяпти.

Бироз олдинроқ, "МЮ" Педрони 30 млн евро эвазига сотиб олмоқчилиги ҳақида хабарлар тарқатилганди.