Тошкент шаҳрида 2015-2016 йилларда реконструкция ва таъмир қилиниши белгиланган магистрал кўчалар рўйхати тасдиқланди

Ўзбекистон 10 Август 2015 4575

Ўзбекистон Республикаси Вазирлар Маҳкамасининг жорий йилнинг 5 августидаги қарор асосида Тошкент шаҳрида 2015-2016 йилларда реконструкция ва таъмир қилиниши белгиланган магистрал кўчалар рўйхати тасдиқланди.

Gazeta.uz сайтининг хабар беришича, мазкур рўйхатга 12та кўча киритилган бўлиб, уларнинг айримларида таъмирлаш ишлари жорий йил июль ойи охиридаёқ бошланган.

Умумий узунлиги 45,6 километрни ташкил этувчи мазкур кўчалар реконструкция ва таъмир қилинишидан ташқари, ҳужжатда улар атрофидаги биноларнинг архитектуравий қиёфаси янгиланиб (жумладан, турар жой ва нотурар бино ҳамда иншоотларнинг том ва олд қисмлари капитал таъмирланиб, зарурат туғилган тақдирда, объектлар бузиб ташланиши), туташ ҳудудларда ободонлаштириш ишлари олиб борилиши ҳам кўзда тутилган.

Қарорга биноан, режалаштирилган ишлар “келгусида йўл транспорт инфратузилмаларининг такомиллашуви” ҳамда “пойтахт аҳолиси ва меҳмонлари учун қулай шароитларни яратиш”га хизмат қилади.

Мазкур рўйхатга Мирзо Улуғбек проспекти ҳам кирган бўлиб, 31 июлдан буён Тараққиёт кўчасидан “ТТЗ” бекат комплексига қадар трамвай линияси ва алоқа тармоғи, ўтиш қисмида реконструкция ва таъмир ишлари олиб борилмоқда, ажратувчи чизиқлар, йўл ўртасида ёритувчи чироқлар ва йўлаклар бўйлаб тўсиқлар ўрнатилмоқда.

Бу каби ишлар (трамвай йўлининг олиб ташланиши истисно қилинса) Мустақиллик шоҳкўчасида – Мирзо Улуғбек шоҳкўчасидан Амир Темур ҳиёбонига қадар – олиб борилмоқда.

Архитектуравий қиёфани янгилаш, ҳудудларни ободонлаштириш ва кўкаламзорлаштириш, ёритиш тизимлари, йўлаклар ва фаввораларни таъмирлаш ишлари Бобур, Нукус, Афросиёб, Дўрмон йўли, Тошкент ҳалқа йўлининг Қорасув 4 ва Дўстлик мавзелари бўйлаб ўтган қисмларида ҳам олиб борилади.

Шу билан бир қаторда, Амир Темур кўчасида ҳам ўтиш қисмларини таъмирлаш ҳамда йўл ўртасига ёритиш чироқларини ўрнатиш ишлари олиб борилиши белгиланган.

Кўрсатиб ўтилган кўчалардаги реконструкция ва таъмирлар ишлари Молия вазирлиги қошидаги Республика йўл жамғармаси, маҳаллий бюджетлар, шунингдек, фойдаланувчи ва ўз ҳисобида сақлаётган ташкилотларнинг шахсий маблағлари эвазига олиб борилиши белгиланган.

Тошкент шаҳар ҳокимияти, Йўл жамғармаси ва “Ўзавтойўл” компанияси раҳбариятига кўчаларнинг сифатли ҳамда ўз вақтида реконструкция қилиниши ва таъмирланиши, шунингдек, ҳудудларнинг архитектуравий қиёфаси ҳамда ободонлаштириш ишларида шахсий жавобгарлик белгиланган.

Ички ишлар вазирлигига эса “магистрал кўчаларда реконструкция ва таъмирлаш ишлари олиб борилаётган ҳудудларда транспорт воситалари ҳамда пиёдаларнинг мунтазам ва хавфсиз ҳаракатланишини таъминлашни самарали ташкил этиш юзасидан қўшимча чора тадбирларни амалга ошириш” вазифаси юклатилган.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 33889 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 13282 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 88155 Ўзбекистон
Бир кунлик тўй бир умрлик азоб келтирмасин!
22:30 105 Жамият
Европа Лигаси гуруҳ босқичи иштирокчилари учун мукофот пуллари эълон қилинди
22:25 207 Спорт
Янги купюра нарх-навога ўз таъсирини ўтказадими?
Дайжест: Навбатдаги видеоселектор, Қозоғистон билан ҳарбий ҳамкорлик, ЙПХ ходимларига Honda ва куннинг бошқа муҳим хабарлари
22:15 511 Жаҳон
Суарес жароҳат туфайли 4 ҳафтага сафдан чиқди
22:10 512 Спорт
Президент видеоселекторда ички ишлар органлари вакиллари билан соҳа ислоҳотларини муҳокама қилди
Россия вакили биринчи марта телевидение орқали сурияликларга мурожаат қилди
21:55 1742 Жаҳон
Кўпроқ янгиликлар