Хитой ҳарбий суди Ҳарбий қисм таъминот департаменти раҳбари ўринбосари лавозимида ишлаган генерал-лейтенант Гу Юнгшаняни ўлим жазосига ҳукм қилди. Бу ҳақда «Синьхуа» ахборот агентлиги хабар тарқатди.

Қайд қилинишича, ҳукм икки йил муддатга кечиктирилган. Суд қарорига мувофиқ, айбланувчи мансабини суиистеъмол қилиш ва порахўрлик каби жиноятларда айбдор деб топилган.

Эслатиб ўтамиз, олдинроқ статистик ташкилотлардан бири ўлим жазоси мавжуд мамлакатларда мазкур жазо энг кўп қайд этиладиган давлат сифатида Хитойни эътироф этганди.