Ўтган йилнинг октябрь ойида бортида Total нефть компанияси раҳбари бўлган самолёт билан тўқнашиб кетган қор куровчи машина ҳайдовчиси адвокатлари илтимосига кўра ўз айбига тўлиқ иқрор бўлди, деб ёзади «Коммерсантъ» газетаси.

Falcon 50 самолётининг ҳалокатга учраши натижасида 4 киши, жумладан, Кристоф де Маржери ҳам ҳалок бўлган эди.

Айбланувчи Владимир Мартыненко учиш-қўниш йўлакчасига диспечерлар рухсатисиз чиқиб қоидани бузганини эълон қилди.

Унинг адвокати Александр Карабановнинг айтишича, Мартыненко айбловни қатъий тартиб чораси қўлланилишига умид қилган ҳолда тан олди. Бу унга жазо муддатини камайтириш ҳамда етти йиллик қамоқ жазосига “илиниши” учун хизмат қилади.

“Менинг ҳимоямдаги шахс амнистиянинг қарийб барча тоифалари тоифасига тўғри келиши мумкин – у 50 ёшдан ошган, жиноят эса мутлақо қасддан содир этилмаган. Шу боис у беш йилдан кам муддатга қамоқ жазосини олиши учун меҳр-шафқатга тўла лойиқ”, дейди адвокат.

Адвокат, шунингдек, мазкур ҳодисанинг бошқа иштирокчиларини ҳам ўз айбига иқрор бўлишга чақирди. Нашр ўз ахборот манбаларида таяниб хабар беришича, ишнинг қолган беш нафар иштирокчиси бунга тайёр эмас, қатъий тартиб чораси эса фақатгина ўз айбига иқрор бўлганларга нисбатан қўлланилиши мумкин.