Чикаго ўзбеклари етакчиси АҚШда ўзбек урф-одатларини асрашда жонбозлик кўрсатмоқда

Жамият 11 Август 2015 4346

Kun.uz таҳририятига чикаголик ўзбеклар жамоаси вакилларидан мактуб келиб тушди. Унда Чикагода ўзбеклар уюшмасига асос солган жамоат арбоби, 73 ёшли Сирожиддин Насафий ҳақида батафсил маълумот келтирилган.

Чикагодаги ўзбек жамоатига етакчилик қилиб, урф-одатларга риоя қилинишини назорат қилиб келаётган, ўнлаб ёшларнинг бошини қовуштириб қўйган бу шахс ҳақида ўқувчиларга ҳикоя қилиб беришга қарор қилдик.

Сирожиддин Насафийнинг отаси Ғиёсиддин Насафий 1931 йили Ўзбекистоннинг Қашқадарё вилоятидан Совет давлати зулмидан қочиб, тоғалари билан бирга Афғонистонга кўчиб кетишга мажбур бўлган. Келиб чиқиш жойини унутмаслик учун Қашқадарёнинг Насаф (Қарши) шахрини ўзига нисба қилиб олганлар.

Афғонистонда улғайган Сирожиддин Насафий ёшлигида талаба бўлиб АҚШга келади ва у ерда ишга жойлашиб, доимий яшаш хуқуқини қўлга киритади. Кейинчалик ота-оналарини хам ўзи билан бирга шу давлатга кўчириб олиб келади. Уч фарзанднинг отаси ҳамда тўрт набиранинг бобоси бўлмиш Сирожиддин Насафий хозирда 73 ёшда. Нафақага чиқишидан олдин мухандис бўлиб ишлаган.

Мактубда айтилишича, у киши ўзбек урф-одатларини асраб-авайлашга интилади, доимо бошида дўппи билан юради. Туғилиб ўсган жойи Афғонистон бўлсада, таъкидланишича, “Ўзбекистон деган ўлка борлигидан хамда бу юртда 30 млн дан ошиқ ўзбек миллатдошлари борлигидан” мағрурланади.

“Сирожиддин Насафийнинг миллатига бўлган фидойилиги қилаётган амалларидан ҳам яққол кўриниб туради. Мисол учун, жаноб Насафий ўз ҳовлиларида бир неча бор ўзбекистонлик ёшларнинг бошларини бирлаштириб қўйганлар. Яна бир мисол, жуда кўп ўзбекларга қуда-анда бўлишда ўртага тушиб ёрдам берганлар. Айниқса, Америкага оиласиз келган ўзбекистонлик студент йигит ва қизлар бундан қанчалик хурсанд бўлишларини билсангиз эди. Қаерда ўзбеклар бирор тадбир билан йиғилган бўлса, ё бу тадбирни Сирожиддин Насафий ўзлари уюштирган бўлиб чиқадилар, ёки унда фаол қатнашадилар. Дала сайли дейсизми, ифторлик дейсизми, тўйми ё сумалакми, дўппи кийган Сирожиддин Насафий хизматдалар. Америкада узоқ йиллар давомида яшаганларидан олган тажрибаларидан келиб чиқиб, ўзбекларга берган маслаҳатларинику санаб саноғига етолмайсиз”, – деб ёзади мактуб муаллифлари.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4710 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5583 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21073 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49926 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5534 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3505 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 5897 Жаҳон
Хитой хорижий инвестицияларга чеклов жорий қилди
23:08 / 21.08.2017 3142 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 4901 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4586 Технология
Кўпроқ янгиликлар