Германиянинг жануби-шарқида АҚШнинг F-16 русумли қирувчи самолёти қулаб тушди. Бу ҳақда The Local нашри хабар берган.

Маълум қилинишича, ҳалокат Бавария ерининг Байройт шаҳри яқинида рўй берган. Машғулотда қатнашаётган вақтда омадсизликка учраган самолёт учувчиси тирик қолган, у парашют орқали самолётдан чиқишга улгурган.

Самолёт ерга қулагач, ёна бошлаган, ўт ўчирувчилар тезлик билан етиб келиб, ёнғинни бартараф қилган. Тахмин қилинишича, самолёт моторида келиб чиққан техник носозлик ҳалокатга сабаб бўлган.

АҚШ Ҳарбий-ҳаво кучлари бу фалокат ҳақидаги маълумотни тасдиқлаган.