Номаълум шахслар Истанбул шаҳрида "Фенербаҳче" жамоаси футболчиси Мехмет Топалнинг машинасини ўққа тутишди. Бу ҳақда Hyrriyet нашри ёзмоқда.

Ушбу қуролли ҳужум 11 август кунининг иккинчи ярмида, футболчи ўз жамоадоши Угар Мерт Зейбек билан биргаликда машғулотдан қайтаётган вақтда рўй берган. Футболчининг машинаси ўқ ўтказмас қопламага эга бўлгани эвазига футболчиларга шикаст етмаган.

Қайд этиш жоизки, "Фенербаҳче" жамоаси футболчилари илк марта қуролли ҳужум нишонига айланишмаяпти. Шу йилнинг апрелида ҳам "Фенербаҳче" жамоаси Туркия чемпионати доирасидаги тур учрашувидан "Ризеспор"ни 5:1 ҳисобида мағлуб этиб, Трабзонспор шаҳри аэропортига қайтаётганида, футболчилар ўтирган автобусга рўпарадан ўқ ёғдирилган ва автобус ҳайдовчиси оғир жароҳатлар билан шифохонага ётқизилганди. Ўшанда ҳам футболчиларга ўқ тегмаган.