TheKoreanCar корейс блогида эълон қилинган Kia Optima седани расми GT-намунасининг янги авлодига тегишли экани маълум бўлди.

Optima`нинг Америка бозори учун мўлжалланган намунаси жорий йил аввалида Нью-Йорк автосалонида намойиш қилинган эди. Ўшанда мазкур модел 247 от кучига эга икки литрли турбомотор билан таъминлангани айтилганди. Шунингдек, салонда туширилган фотосуратларда автомобилнинг рул чамбарагида «GT» белгиси туширилгани ҳам кўпчилик диққатини тортган, бироқ бундай намунадаги автомобиллар ишлаб чиқарилиши ҳақида маълум қилинмаган эди.

Европа учун қайта ишлаб чиқилган янги “Оптима”лар эса Америка намунасидан ташқи дизайнидаги айрим ўзгаришлари билангина фарқ қилади. Бундан ташқари, GT`нинг энг янги намунадаги мотори агрегатлар қаторига 185 от кучига эга 2.4 литр ҳажмли олд ҳамда 1.6 литрли 175 от кучига эга ҳаракатлантирувчи янги двигатель киритилган.
Сўнгги мотор роботлаштирилган етти босқичли узатмалар қутиси билан уланса, қолган моторлар олти диапазонли “автомат”лар билан боғланади.

Optima`нинг янги авлоди аввалгиларидан ташқи кўриниши, ҳажмининг катталиги, шунингдек, яхшиланган шовқиндан ҳимоя тизими ва бошқа бир қатор жиҳатлари билан фарқ қилади. Автомобилларнинг олд ва орқа қисмларига ҳам ўзгартишлар киритилган бўлиб, ғилдирак қисми ва машина кенглиги мос равишда 10 ва 25 миллиметр –2804 ва 1859 миллиметргача кенгайтирилган.

Янги авлод автомобиллари Франкфурт шаҳрида шу йилнинг 17-27 сентябрь кунлари намойиш этилиши кутилмоқда.