Охирги кунларда машиналар ичида қолдириб кетилган йирик миқдордаги пулларнинг ўғирланиши ҳақида бир неча бор хабар қилинди. “На посту” газетаси Самарқандда содир бўлган навбатдаги воқеа ҳақида ёзди.

Айтилишича, Оқдарё туманида истиқомат қилувчи 33 ёшли Ойбек исмли шахс Nexia автомашинаси ичида 19.8 млн сўм қолдириб кетган. Қайтиб келганида эса машина очилгани ва ичидаги пуллар олиб кетилганини кўрди.

У туман ИИБга мурожаат қилди. Ўтказилган тезкор тадбир натижасида жиноятни содир этган 30 ёшли Улуғбек исмли шахс қўлга олинди, пул эгасига қайтарилди.
Тергов давом этмоқда.