Бугун Грузия пойтахти Тбилиси шаҳрида ўтган мавсумда Европа Чемпионлар лигаси ғолиби бўлган - "Барселона" ва Европа лигаси ғолиби - "Севилья" клублари ўртасида УЕФА Суперкубоги учун учрашув бўлиб ўтади.

Бу икки жамоа ўзаро мунтазам учрашиб туради, чунки иккиси ҳам Ла лига аъзолари ҳисобланишади. Бу жамоалар 2006 йилда УЕФА Суперкубогида тўқнаш келишган ва ўша вақтда таркибида Дани Алвес бор "Севилья" "Барселона"ни 3:0 ҳисобида мағлубиятга учратган.

Лекин, қайд этиш керакки, "Севилья" 19 учрашувдан буён каталонияликларни енга олмаяпти.

"Барселона" олдиндаги учрашувда фаворит ҳисобланади, аммо биз майдонга тушиб, сенсация кўрсатиш учун бор кучимизни аямаймиз. Агар ғалаба қозонсак, бутун мавсумга етадиган ишончини қўлга киритамиз", - дейди "Севилья" устози.

"Барселона" — "Севилья" учрашувини ирландиялик ҳакам Дамьен Макграт бошқаради.

Учрашув Тошкент вақти билан соат 23:45да бошланади. Ўзбекистонлик мухлислар ўйинни Россиянинг НТВ плюс Футбол 1 ва НТВ каналлари орқали жонли равишда кузатишлари мумкин.