Лавров Саудия Арабистони ташқи ишлар вазири билан матбуот анжумани чоғида сўкиниб юборди

Жаҳон 12 Август 2015 9525

Россия ташқи ишлар вазири Сергей Лавров Саудия Арабистони ташқи ишлар вазири Одил ал-Жубайр билан биргаликда ўтказган матбуот анжумани чоғида сўкиниб юборди. Анжуман Russia Today телеканали томонидан тўғридан-тўғри трансляция қилинаётган эди.

ТАСС мухбири Лавровга Сурия ихтилофи масаласи бўйича Москвада учрашув ўтказишга тайёргарлик кўрилаётгани борасида савол берди.
“У қачон ўтказилади ва унинг доирасида Сурия мухолиф кучлари миллий коалицияси вакиллари билан учрашувлар белгиланганми?”, – деди у.
Бунга жавобан Лавров учрашув ўтказилмаслигини таъкидлади:
“Биз февралда ва апрелда иккита учрашув ўтказдик, ҳозир индивидуал асосда алоқа қилишда давом этмоқдамиз”.

Унинг жавоби Саудия ташқи ишлар вазирига таржима қилиб берилаётган пайтда Лавров паст овозда “Вот (сўкиниш) дебилы” – “Оббо аҳмоқлар” сўзларини айтди.
Унинг бу сўзлари матбуот анжуманига мавзусига алоқадорлиги маълум эмас. Саволга жавоб беришдан олдин Лавров бироз асабийлашган ҳолда телефонида нимадир ёзаётган эди, сўнг уни чўнтагига солиб қўйди.
2012 йили Иван Ургантнинг “Первый канал”даги кечки шоусида Лавров музокаралар чоғида баъзан сўкинишини тан олган эди.

2008 йили Лавров Буюк Британия ташқи ишлар вазири Дэвид Милиблэнд билан Грузия масаласини телефон орқали муҳокама қилаётган пайтда суҳбатдошини ҳақорат қилгани ва инглизча сўкингани айтилган эди.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22609 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40441 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153836 Жамият
Кун.uz офис изламоқда
15:48 / 06.08.2017 43889 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 798 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 2242 Жаҳон
Каталония ҳукумати мусулмонларни ҳақорат қилмасликка чақирди
19:52 1197 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 973 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Кўпроқ янгиликлар