Мисрда ҳаво ҳароратининг кўтарилиб кетиши оқибатида 60 киши ҳалок бўлди. Уларнинг бир қисмини қуёш урган, бир қисмида эса иссиқ туфайли юрак хуружи келиб чиққан. Бу ҳақда Миср соғлиқни сақлаш вазирлиги маълумот берди.

Охирги бир неча кун давомида Мисрнинг кўпчилик ҳудудларида ҳаво ҳарорати 40 даражадан пастга тушмаяпти, жанубий вилоятларда эса 50 градусга етмоқда.

Ўлимларнинг асосий қисми пойтахт шаҳар Қоҳирада қайд қилинган. Сешанба кунининг ўзидаёқ ушбу мегаполисда қуёш уришидан 10 киши ҳалок бўлди.
Шунингдек, иссиқлик туфайли 581 киши шифохонага ётқизилган.
Яқин кунлар ичида ҳаво ҳарорати ошишда давом этади.