Қозоғистоннинг Олма-Ота шаҳрида истиқомат қилувчи 35 ёшли Баян Абдуллина тўрт нафар эгиз фарзанд кўрди. Бу ҳақда Tengrinews.kz ресурси хабар бермоқда.

Уч қиз ва бир ўғил 6 август куни дунёга келишди. 10 кундан кейин улар туғруқхонадан чиқиб кетади.

Абдуллинанинг айтишича, 2015 йил февралида шифокорлар унинг бирйўла уч фарзанд кўришини айтишган. Аммо бир ҳафтадан кейин бошқа шифохонада унинг қорнида уч эмас, тўрт жон улғаяётганини аниқлашди.

Болаларга ҳозирча исм қўйилмади. Абдуллина шу пайтгача учта ўғил кўрган эди. Шу тариқа, унинг фарзандлари сони етти нафарга етди.