Гонконгда истиқомат қилувчи 60 ёшли кекса эркак ўзининг фалажланган турмуш ўртоғини ёқиб юбормоқчи бўлди. Бу ҳақда The South China Morning Post нашри хабар берди.

Исм-шарифи ошкор қилинмаётган эркак бир неча йил аввал бошидан ўтказган инфаркт туфайли фалажланиб қолган 53 ёшли турмуш ўртоғининг ҳаётига нуқта қўймоқчи бўлган. У аёлининг устига осон ёнадиган бўёқ эритувчини қуйиб, ёқиб юборган. Бироқ бир неча дақиқадан сўнг ўйлаб кўриб, оловни ўчириб, полицияга қўнғироқ қилган ва ўз айбига иқрор бўлган.

Қуйиш жароҳатини олган аёл тезда шифохонага ётқизилган, унинг ҳолати меъёрида деб баҳоланган. Полициянинг аниқлашича, унинг эри сўнгги йилларда турмуш ўртоғини яхши парвариш қилган, ҳаттоки унинг учун ресторандаги ишини ҳам ташлаган. Айни пайтда қарияларнинг бир неча йил муқаддам ота-она уйини тарк этган фарзандлари қидирилмоқда. Эрга эса қасддан одам ўлдириш айби қўйилган.