Банкротга учраган "Парма" клуби эришган кубоклар ва совринлар кимошди савдосига қўйилди, дея хабар берди Football Italia нашри. Жамоа раҳбарияти шу йўл орқали клуб қарзларининг маълум бир қисмини тўлашни мақсад қилишган

“Парма” маъмурлари Анжело Анедда ва Альберто Гиотто бу хабарни тасдиқлашди.

Шу тариқа, жамоага тегишли 3та Италия Кубоги, 2та УЕФА Кубоги, биттадан Европа ва Италия Суперкубоклари, шунингдек, Кубок эгалари кубоги ҳам сотувга қўйилди.

Маълумот учун, “Парма” янги мавсумни Италия “D” сериясида «Парма Кальчо 1913» номи билан бошлайди. Клубнинг умумий қарзи 200 миллион долларга баҳоланган.