"Манчестер Юнайтед" бош мураббийи Луи ван Гаал "Барселона" ҳужумчиси Педро Родригесга қизиқиш бўлганини тасдиқлади.

"Педро "МЮ"га ўтадими? Бу ҳақида унинг ўзидан сўраганингиз маъқул. Мен эса фақат шуни айтишим мумкинки, музокаралар давом этмоқда. Барчаси футболчининг истаги ва клубларнинг хоҳишига боғлиқ. Ҳозирча у жамоамиз сафига ўтмаган экан, бошқа ҳеч нарса демайман.

У жамоамизга ўтиши билан: "Педро - "МЮ" футболчиси", дейман. Аммо ҳозирча бундай бўлгани йўқ. Педро айнан биз қидираётган футболчими? Ҳа! Айнан шундай деб ёзишингиз мумкин", - дейди ван Гаал.