Жанубий Кореянинг Samsung компанияси ўзининг шахсий Samsung Pay тўлов тизимини намойиш этди. 13 августда компания президенти Жонг Кьюн Шин Samsung Pay ва иккита янги смартфон: Samsung Galaxy S6 Edge+ ва Samsung Galaxy Note 5’ни намойиш қилди.

“Samsung Pay тизимидан янги телефонларда фойдаланиш мумкин ва у деярли биринчи кунлардан бошлаб ҳамма ерда қабул қилинади”, деб айтди Шин.

Компания янги тўлов тизимини Жанубий Кореяда 20 августдан, АҚШда 28 сентябрдан бошлаб ишга туширишни режалаштирмоқда. Кейинроқ Samsung Pay Хитой, Испания, Буюк Британия ва бошқа давлатларда ишга туширилади. Тўлов тизимининг хавфсизлиги Samsung Knox тизими ҳисобига таъминланади.    

Айни пайтда бу хизмат доирасида Samsung’га MasterCard, Visa ва American Express тўлов тизимлари ҳамкорлик қилмоқда. Samsung, шунингдек, Bank of America, Citi, JPMorgan Chase ва U.S. Bank билан ҳамкорликни йўлга қўйган.