Москвада “Открытие Арена” стадионида Россия пермьер-лигаси 5-турининг дастлабки учрашувида “Спартак” ЦСКАга 2:1 ҳисобида мағлуб бўлди.

“Армияликлар” 31-дақиқада Сергей Игнашевичнинг тўпи эвазига ҳисобда олдинга чиқиб олишди. Бироз ўтиб ЦСКА футболчилари 2-тўпни амалга оширишди: Аҳмед Муса майдон марказидан дарвозабонга қарши бирма-бир югуриб чиқиб, майдон эгалари дарвозасининг пастки бурчагига тўп киритди. “Қизил-оқлар” бу голдан кейин дарҳол битта жавоб тўпини критишга муваффақ бўлишди: Дмитрий Камбаров 11 метрлик жарима тўпини аниқ амалга оширди.

Учрашувнинг 2-бўлими ҳам кескин тарзда ўтди, бироқ бошқа тўплар киритилмади. Шу тариқа “Спартак” футболчилари Дмитрий Аленичев бошчилигидаги биринчи мағлубиятига учради.       
ЦСКА кетма-кет 5 та ғалабани қайд этиб, чемпионат жадвалида 1-ўринни, “Спартак” эса 4-ўринни эгалламоқда.  

Россия Премьер-Лигаси. 5-й тур

Спартак (Москва) – ЦСКА (Москва) – 1:2

Голлар: Игнашевич, 31 (0:1); Муса, 35 (0:2); Комбаров, 36 (1:2, пен).