Америкалик машҳур актёр Жонни Депп “Дисней афсонаси” фахрий мақомига эга бўлди. Актёр кафтининг бронзадан қуйилган излари киностудия шон-шараф музейида жойлаштирилди.
“Мен нега бундай мукофотга сазовор бўлганимни тушунмадим”, – деди актёрнинг ўзи, бу янгиликни шарҳлар экан.
Депп яқинда Австралиядан Калифорнияга қайтиб келди. Австралияда Депп машҳур франшизанинг Pirates of the Caribbean: Dead Men Tell No Tales (Кариб денгиз қароқчилари: марҳумлар эртак айтмайди) номли бешинчи қисми съёмкаларида иштирок этди. Фильм 2017 йилнинг ёзида прокатга чиқарилиши айтилмоқда.
Тақдирлаш маросими Калифорниянинг Анахайм шаҳридаги Walt Disney киностудияси маданий марказида ўтказилди.
Депп билан бир қаторда бу мақомни “Юлдузли жанглар” эпопеяси муаллифи Жорж Лукас, бастакор Дэнни Эльфман ва актриса Сьюзан Луччилар олди.
Премия 28 йил муқаддам жорий қилинган.