Москвада 15 август куни маъмурий қонунбузарлик учун қўлга олинган эркак полиция бўлимида ўз жонига қасд қилди. Бу ҳақда ИИББ матбуот хизмати ахборот берди.
Воқеа “Царицыно” полиция бўлимида содир бўлди. Эркак “уст кийим предметлари”дан фойдаланган ҳолда ўзини осиб қўйди.
Воқеа юзасидан текширув ишлари олиб борилмоқда. Ҳибсдагиларни назорат қилувчи ходимларнинг айби исботланган тақдирда улар жавобгарликка тортилиши мумкин.
Шунга ўхшаш воқеа 2014 йил октябрида Тверь вилоятида содир бўлган эди. Ўшанда ҳибсга олинган аёл ўз жонига қасд қилган эди.