АҚШнинг Огайо штатидаги Cedar Point аттракционлар боғида “американча тоғлар” поездининг зарбасидан 45 ёшли Жеймс Янг ҳалок бўлди, деб хабар бермоқда CNN телеканали.

Эркак Raptor аттракционида учгандан кейин картмони ва мобиль телефонини тушириб қўйгани пайқаб қолган ва уни “американча тоғлар” аттракциони ёнидан қидира бошлаган.

У ҳимоя тўсиқларидан ошиб ўтганда, ҳаракатланаётган поезд остига тушиб қолган. Эркакнинг ҳаётини сақлаб қолишнинг имкони бўлмади, деб маълум қилди кўнгилочар боғ вакили Брайан Эдвардс.

Ушбу воқеадан кейин поезд йўловчилари билан катта баландликда 10 дақиқага тўхтаб турди, деб ёзмоқда New York Magazine нашри.