Хитой иқтисодиёти барқарорлашиб бораётганига қараб, ундаги ўсиш 2015-2016 йилларда қисқариб боради. 2015 йили ЯИМ 6.8 фоизга ўсса, 2016 йили бу кўрсаткич 6.3 фоизни ташкил қилади.
Бу маълумотлар ХХР иқтисодиётига доир музокараларнинг якунига кўра Халқаро валюта жамғармаси вакиллари томонидан келтирилди.
“Хитой янги, нормал, бироз секинлашган, аммо хавфсиз ва барқарор ўсиш босқичига ўтмоқда. Ўтган йили ЯИМ 7.4 фоизга ўсди, бу йил ўсиш бироз секинлашиб, 6.8 фоизни, 2016 йили эса 6.3 фоизни ташкил этиши кутилмоқда. Бу инвестициялар оқимининг, айниқса, кўчмас мулк йўналишида, камайиши билан боғлиқ”, – дейилади жамғарма ҳисоботида.
Инфляция 1.5 фоиз даражада сақланиб қолади, бу реал айирбошлаш курсининг аниқлаштирилиши, шунингдек, глобал бозорда хом ашё нархининг тушиши билан боғлиқ.
Жамғарма ХХР ҳукуматига структур ислоҳотлар ўтказишда давом этишни тавсия қилди.