Япония полицияси император Акихитонинг набираси, малика Какога таҳдидли мактуб йўллаган эркакни қўлга олди. Бу ҳақда Kyodo агентлиги хабар қилди.

Киотодаги компаниялардан бирининг ходими бўлган 33 ёшли Мотохиро Йокучи шу йилнинг июнь ойида 20 ёшли малика таҳсил оладиган Токио халқаро христиан университетига мактуб йўллаганини тан олди. Шу йўл билан Йокучи собиқ ходимидан қасд олмоқчи бўлган ҳамда шу мақсадда мактуб ичига унинг ташриф қоғозини солиб қўйган.

Малика Како университетга 2015 йил апрелида кирган. Дастлабки икки йил давомида у аниқ фанлар ва инглиз тилини ўрганади, ихтисосликни эса учинчи курсда танлайди. Илгари қиз Гакусюин университетида таҳсил олаётган эди, аммо ўқишни ташлаб кетган эди.
Како шаҳзода Акисино Фумихито ва малика Акисино Киконинг кичик қизидир. Унинг Хисахито исмли укаси ва Мако исмли опаси бор.