Россия Федерацияси бош прокуратураси талончиликда айбланган Раҳмат Мамажонов исмли Ўзбекистон фуқаросини экстрадиция қилди.

Ўзбекистондаги ҳуқуқни муҳофаза қилиш органларининг маълумотларига кўра, Мамажонов 2014 йилнинг апрелида аёл кишига ҳужум қилиб, унга тан жароҳати етказган ва унинг жами 31 минг доллардан ортиқ пулини ўғирлаган.

Ушбу жинояти учун қидирувда бўлган Мамажонов 2014 йилнинг декабрида Москва шаҳрида қўлга олинганди.

Уни Ўзбекистонда 15 йилдан 20 йилгача бўлган муддатдаги қамоқ жазоси кутмоқда.