Хасталар билан ишловчи бир қатор нотижорат ташкилотлар Россия ҳукуматига мурожаат қилиб, ман қилинган чет эл тиббий маҳсулотлари рўйхатини кенгайтирмаслик сўради. Бу ҳақда “Коммерсантъ” нашри хабар бермоқда.
Россия бош вазири Дмитрий Медведев номига ёзилган мактубда ташкилотлар раҳбарлари санкциялар лойиҳасида дори воситаларига муҳтож ҳасталарнинг манфаатларини эътиборга оладиган ишчи гуруҳ тузишни илтимос қилди. Мактуб йўлланишига сабаб сифатида саноат ва савдо вазирлиги томонидан давлат харидлари ман қилинган тиббий воситалар рўйхатини кенгайтириш лойиҳасининг тақдим қилиниши кўрсатилди.
Шунингдек, нотижорат ташкилотлар Медведевга маҳаллий тиббий жиҳозлар бозорини текширувдан ўтказиш тавсия этилди. Бу қандай жиҳозларнинг ички бозорда ишлаб чиқарилиши ва уларнинг қайсилари халқаро стандартларга жавоб беришини аниқлаш учун зарур.
Мактуб муаллифларининг фикрича, айрим тиббий жиҳозлар ва дори воситаларини рўйхатга киритиш керак эмас – уларнинг ўрнини босадиган маҳсулот Россияда йўқ.