Германия канцлери Ангела Меркель Грециянинг қарзларини кечиб юбориш ғоясига қарши чиқди, бироқ мамлакат учун қарз юкини енгиллаштириш эҳтимоли борлигини айтди. Меркель бу фикрни 16 августда ZDF немис телеканали эфирида айтиб ўтди.    

Меркелнинг айтишича, Афина фақатгина қарзларни тўлаш муддатининг узайтирилиши ва фоиз ставкаларининг камайтирилишига умид қилиши мумкин. Шу билан бирга Меркель Грецияга молиявий ёрдам тақдим қилишга шубҳа билан қарамоқда ва мамлакат иқтисодий инқирозни енга олишига умид билдирмоқда. Меркелнинг айтишича, бунинг учун Греция ҳукумати халқаро кредиторлар билан келишувнинг барча бандларини бажариши лозим.

Германия канцлери, шунингдек, жорий йилнинг октябридан Халқаро валюта жамғармаси кредитлаш дастурига қўшилишини маълум қилди.