Хитойнинг Тяньцзин порт шаҳрида бир қатор портлаш юз берган “Жуйхай” логистик компаниясига тегишли омборхонадаги ер усти сувларидаги заҳарли моддалар концентрацияси меъёрдагидан 27 баробар ошиб кетган. “Сина” ахборот порталининг маълум қилишича, омборхона ташқарисида сезиларли ифлосланиш қайд этилмаган.

Маълум қилинишича, охирги кунларда сувни ҳолатини текшириш учун янги мониторинг пунктлари ўрнатилган. Бунда аҳоли яшамайдиган ҳудудга ўрнатилган бундай пунктлардан биридагина цианий водородли кислотанинг меъёрдагидан кўплиги аниқланган.
Хитой ҳарбийларининг маълумотларига кўра, портлаш жойида бир неча юзлаб тонна натрий цианиди бор. Уларнинг жойлашган ўрни аниқланган.

Шикастланган бочкалардан бир қисми фалокат жойидан олиб чиқиб кетилган, кимёвий модданинг қолган қисми изоляция қилинган.
Тяньцзин мэри ўринбосари Хэ Шушаннинг таъкидлашича, аниқланган натрий цианиди 17 августнинг охиригача йўқ қилиниши режалаштирилган.