2015 йилнинг биринчи ярмида Ўзбекистон аҳолижойларини санитар тозалаш ва ободонлаштиришга 116.8 млрд сўм ажратилди. Бу ҳақда Ўзбекистон молия вазирлиги ахборот берди.
Бюджет маблағлари ободонлаштириш ва санитар тозалаш туман бошқармалари моддий-техник базасини яхшилашга, шунингдек, қаттиқ маиший чиқиндилар полигонларини махсус техника билан таъминлашга йўналтирилди.
Хусусан, ободонлаштириш бўйича туман бошқармаларига 87.9 млрд сўм ажратилди. Бу пулларга 598 дона чиқинди ташувчи техника харид қилинади. Яна 9 млрд сўм амалдаги қаттиқ маиший чиқиндилар полигонларини 95 дона махсус техника бирлиги билан таъминлашга йўналтирилди.
Ҳисобот даврида туман ободонлаштириш бошқармалари 431 дона чиқинди ташувчи техника ва 74 ағдарма машина билан таъминланди.
Маҳаллий бюджетлардан ажратилган 20 млрд сўмнинг 11.2 млрд сўмлик қисми 313 чиқинди тўплаш пунктларини яратишга ва уларни 2 618 чиқинди контейнерлари билан таъминлашга сарфланди.
6.5 млрд сўм амалдаги 22та қаттиқ маиший чиқиндилар полигонларини ободонлаштириш, уларни 28 дона махсус техника билан таъминлашга, 2.3 млрд сўм эса 17та яни полигон қурилишига ҳамда уларни 3 дона махсус техника бирлиги билан таъминлашга сарфланди.