Ўтган йилнинг 7 ойи мобайнида Қозоғистонда 1 728 коррупцион жиноят қайд қилинди, шулардан 552таси порахўрлик билан боғланган. Шу давр ичида берилган поранинг миқдори 500 минг долларга етган.
Давлат хизмати ва коррупцияга қарши кураш ишлари агентлигининг маълум қилишича, пора бериш ҳоллари ўтган йилгидан кўра кўпроқ қайд қилинган. 2014 йилнинг шу даврида молиявий полиция 429 порахўрлик фактини ўрганган, улардан берилган пуллар миқдори 200 минг долларни ташкил қилган эди.
2015-2025 йилларда аксилкоррупция стратегияси реализацияси доирасида ҳукумат, идоралалараро ва минтақавий тадбирлар режалари ишлаб чиқилган.
“2015-2017 йилларга мўлжалланган ҳукумат тадбирлари режаси икки бўлимдан иборат – коррупцияга қарши кураш (68 тадбир) ва қора бозорга қарши кураш (71 тадбир). Режада давлат хизматида коррупцияга қарши курашишга йўналтирилган комплекс чора-тадбирлар кўзда тутилган”, – дейилади хабарномада.