Хитойнинг Тяньцзин шаҳридаги портлашлар оқибатида ўчириб қўйилган Tianhe-1A суперкомпьютери яна ишга туширилди. Бу ҳақда “Синьхуа” ахборот агентлиги маълум қилди.

Суперкомпьютер шаҳардаги омборхонада портлаш юз бергандан чамаси ярим соатдан кейин хавфсизлик нуқтаи назаридан қўл билан ўчириб қўйилган. Портлаш тўлқини оқибатида симлар, суперкомпьютер жойлашган бинонинг ойналари, совитиш ва электр билан таъминлаш тизимлари шикастланган.

Суперкомпьютернинг тўхтатилиши шаҳарнинг молия, савдо ва метеорология ахборот хизматларида носозликарнинг келиб чиқишига сабаб бўлган.

Суперкомпьютер Тяньцзиндаги портлаш содир бўлган жой яқинида Миллий суперкомпьютьер марказида жойлайшган.