17 август эрталаб Хитойнинг Тяньцзин порт шаҳридаги омборхоналардан бирида навбатдаги портлаш содир бўлди. Бу ҳақда CCTV телеканали хабар бермоқда.

“Тяньцзиндаги ҳалокат зонасида кичик портлаш қайд қилинди”, – хабар берди телеканал. Портлаш маҳаллий вақт билан эрталаб соат 7:00да содир бўлган.

Тяньцзиндаги омборхоналарда содир бўлган портлашлар қурбонлари сони 112 кишига етди, 95 киши дом-дараксиз кетган деб ҳисобланмоқда. 722 киши турли даражадаги тан жароҳатлари олган.