Хитойнинг энг бой ва таниқли тадбиркорларидан бири Жек Ма интернетда танқид остига олинди. Бизнесмен Тяньцзин шаҳридаги ҳалокат қурбонларига пул ўтказмаганликда айбланмоқда. South China Morning Post нашрининг ёзишича, интернет фойдаланувчилари компанияни бойкот қилишлари мумкинлигини айтишган.
“Пул эҳсон қилмасанг, мен Taobao’да харид қилишни тўхтатаман”, – деб ёзди фойдаланувчилардан бири. “Сен Гонгконгдаги виллангга 1 млрд юандан ортиқ пул ишлатиб юбординг, Тяньцзин қурбонларига бир неча млн эҳсон қилсанг нима бўлади?”, – деди бошқа фойдаланувчи.
Тяньцзиндаги омборхоналарда содир бўлган портлашлар қурбонлари сони 114 кишига етди, 95 киши дом-дараксиз кетган деб ҳисобланмоқда. 722 киши турли даражадаги тан жароҳатлари олган.