Россия ҳарбий ёрдам дастури доирасида Тожикистонга ҳарбий асбоб-ускуналар партиясини етказиб берди. Бу ҳақда Россиянинг Тожикистондаги элчихонаси матбуот хизмати хабар берди.

11 август куни Душанбек аэропортига Россия мудофаа вазирлигининг ёрдам юки келиб тушди. Бу тадбирлар КХШТга аъзо мамлакатлар ўртасида имзоланган Тожикистон-Афғонистон чегарасини мустаҳкамлаш тўғрисидаги шартнома асосида амалга оширилмоқда.
Етказилган юк Тожикистоннинг Афғонистон томондан келаётган террорчилик хавфига қарши курашга бевосита жалб қилинган ҳарбий қисмларига мўлжалланган.