Қўқон шаҳрида истиқомат қилувчи Муротжон Аширалиев дўсти Х. Ходжаевнинг Spark русумли автомашинасини гаровга бериб юбориб, қайтармай юрганлиги боис Ходжаев ҳуқуқ-тартибот идораларига мурожаат қилишга мажбур бўлди. Натижада, “Ҳуқуқ” нашрининг ёзишича, суд қаллобга тегишли жазо тайинлаб, етказилган моддий зарарни ундириб берди.

Суриштирув давомида маълум бўлишича, Ходжаев Туркияга тижорат сафари билан кетаётганида дўсти Аширалиевга Spark машинасини ташлаб кетган. Аширалиев машинани ижара сифатида қабул қилиб олиб, ҳар ойда 500 доллардан тўлаб туришга ваъда берган.

Аммо Ходжаев Туркиядалигида Аширалиев Р. Усмонов исмли одамдан турли йўллар билан пул ундириб, қайтариб бера олмаган. Шундан сўнг у Усмоновга дўстининг машинасини гаров сифатида ташлаб кетган.

Туркиядан қайтиб келиб, вазиятни ўрганган Ходжаев Усмонов билан келишган ҳолда тегишли идораларга арз қилган. Натижада қаллоб жазога тортилди.