АҚШ президентлигига республикачилардан ўз номзодини кўрсатган Дональд Трамп сайловолди рейтингида етакчилик қилаётган Ҳиллари Клинтонга деярли етиб олди. Бу ҳақда CNN телеканали хабар бермоқда.

Июлда Трамп республикачилар номзодлари ичида биринчи ўринни эгаллаган эди. Айни пайтда у асосий рақиби – демократлар вакили Ҳиллари Клинтондан 6 очкога ортда қолмоқда. Сўровлар якунларига кўра, бир ойгина муқаддам у Ҳиллари Клинтондан 16 очкога қолиб кетаётган эди.

Июль ойида республикачи сайловчиларнинг 67 фоизи Трамп номзодини қўллаб-қувватлаган бўлса, бугунги кунда уларнинг улуши 79 фоизни ташкил қилди. Трампнинг асосий электоратини (53 фоиз) эркаклар ташкил қилади, уларнинг 53 фоизи оқ танли фуқаролардир.