UMS абонентлари сони 643,1 минг нафарга етди

Технология 19 Август 2015 3227

2015 йил биринчи чораги натижаларига кўра, Universal Mobile Systems (UMS) мобил оператори абонент базаси 643,1 мин нафар фойдаланувчини ташкил этди. Бу ҳақда Россия ва МДҲ давлатларидаги етакчи телекоммуникация оператори “Мобильные ТелеСистемы” МЧЖ ҳисоботида эълон қилинди.

Компания маълумотларига кўра, абонент базасининг ўсиш кўрсаткичи 2015 йил бошига қараганда 3,41 баробарга ортган. 2014 якунида эса оператор Ўзбекистонда 188,1 минг абонентга хизмат кўрсатган эди. МТС`нинг башорат қилишича, UMS абонент базаси 1,15 млн абонентга қадар ортади.

2015 йилнинг биринчи ярмида UMS`нинг Ўзбекистондаги улуши 2014 йилги 1 фоиздан 3 фоизга қадар ортган. Компания 2015 йилда 189 млрд сўм даромад кўришни режалаштирган.

Чораклик ҳисоботда келтирилишича, оператор кўрган операцион зарар 66,323 млрд сўм бўлиб, соф зарар миқдори 28,123 млрд сўмни ташкил этади.

Ҳисобот даврида OIBDA (асосий воситалар амортизацияси ва номоддий активлар чиқариб ташлангунга қадар бўлган даромадни билдирувчи таҳлилий кўрсаткич) кўрсаткичи -22,235 млрд сўмни ташкил этган. МТС OIBDA кўрсаткичи бўйича ижобий натижага 2016 йилда эрилишини башорат қилмоқда.

2015 йилнинг иккинчи чорагида бир ойда битта абонент томонидан фойдаланилган дақиқалар кўрсаткичи (MOU) 462 дақиқа бўлиб, 2015 йил биринчи чорагида бу рақам 356 дақиқани ташкил этган. Бир ойда битта мобил алоқаси абонентига бўлган ўртача ҳисоб (ARPU кўрсаткичи) 23373 сўмни ташкил этган (2015 йил биринчи чорагида — 21027 сўм).
Эслатиб ўтамиз, UMS 2014 йил 1 декабрдан Ўзбекистоннинг барча ҳудудларида ўз хизматларини кўрсатишни бошлаган.

“Universal Mobile Systems” таъсисчилари “Мобильные ТелеСистемы” ОАЖ (50,01 фоиз) ва Ахборот техналогиялари ва коммуникацияларни ривожлантириш вазирлиги ҳузуридаги “Радиоалоқа, радиоэшиттириш ва телевидение маркази” давлат унитар корхонаси (49,99 фоиз) ҳисобланади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар