19 август куни саккиз нафар турк аскари мамлакатнинг жануби-шарқидаги Сиирт вилоятида транспорт воситасига ўрнатилган портловчи қурилма ҳаракатга келтирилиши оқибатида ҳалок бўлди. Бу ҳақда CNN Turk телеканали хабар берган.

Маълум қилинишича, бу теракт Курдистон ишчилар партияси вакиллари томонидан амалга оширилган.

Эслатиб ўтамиз, 20 июль куни Туркиянинг Сурия билан чегара қисмида амалга оширилган теракт ва 1 кун ўтиб чегарачиларнинг ўлдирилишидан кейин ҳукумат "ИШИД" ва "Курдистон ишчилар партияси" вакилларига қарши аксилтеррор ҳаракатларни бошлади. Бу эса Туркияда портлашлар ҳажми кескин равишда ортишига олиб келди.