Хитой интернет компаниялари дастурий маҳсулотлар ишлаб чиқариш билан шуғулланувчи ходимлари кайфиятини кўтариш учун чиройли қизларни ишга олмоқда, дея хабар бермоқда china.org.cn ўзининг Фейсбукдаги саҳифасида.

Иқтидорли ёш қизлар дастурчилар билан нонушта қилиб ёки улар билан стол тенниси ўйнаб, қувноқ ишчи муҳитини яратади.

Ходимлар бўйича менежерларнинг ойдинлик киритишича, асосан эркаклардан иборат дастурчиларнинг ижтимоий муносабатларга киришуви жуда оғир. Иш жойида чирой қизларнинг бўлиши эса уларнинг иштиёқи ва меҳнат унумдорлигини оширади, деган қарорда.

Бироқ хабарда дастурчиларнинг турмуш ўртоқлари ёки бошқа аёл дастурчиларнинг фикри келтириб ўтилмаган. Шунингдек, бу хорижлик иқтидорли дастурчиларни жалб этишнинг устамон кўриниши бўлиши ҳам мумкин.