"Реал"нинг франциялик 27 ёшли ҳужумчиси Карим Бензема Лондоннинг "Арсенал" клубига ўтишга қарши эмаслигини билдирди.

Daily Star нашрида хабар қилинишича, мадридликлар Бензема учун 50 миллион фунт стерлинг сўраган. 27 ёшли ҳужумчи ўтган мавсум Испания чемпионатида 29 учрашувда майдонга тушиб, 15та гол урган ва 10та голли узатма амалга оширган.

Шунингдек, Бензема Чемпионлар лигасида 9 учрашувда иштирок этиб, 6та гол урган ва битта голли узатмага муаллифлик қилган.