“ИШИД” жангарилари Сурия марказий қисмидаги Пальмира шаҳрида барпо этилган қадимий Баал-Шамин ибодатхонасини портлатиб юборди, дея хабар бермоқда ВВС.

Қадимий семит маъбудлари шарафига эрамизнинг II асрида бунёд этилган иншоот антик даврдан кейинги энг машҳур ибодатхоналардан бири ҳисобланар эди.

Гувоҳларнинг сўзларига кўра, портлаш яна бир қатор қадимги Рим колонналарига ҳам шикаст етказган.

ЮНЕСКОнинг жаҳон маданий мероси объекти ҳисобланган Пальмира шаҳри устидан назорат 2015 йил май ойида "ИШИД" жангарилари қўлига ўтган эди.

Бир неча кун аввал эса "ИШИД" жангарилари 82 ёшли археолог, Пальмирадаги қадимий мажмуа бош назоратчиси Холид Асаадни қатл қилганди.