Шимолий Корея ва Жанубий Корея қарама-қаршилик даражасини камайтириш ҳақида келишиб олдилар, деб хабар бермоқда Рёнхап ахборот агентлиги.


Агентлик маълумотларига кўра, Жанубий Корея қуролсизлантирилган ҳудуд бўйлаб овоз карнайларидан ташвиқот олиб боришни тугатади, Шимолий Корея эса юзага келган можаро юзасидан ўз афсусини билдиради.

Қўшма баёнот маҳаллий вақт билан 02:00 да чоп этилади. Иккала Корея ўртасидаги музокаралар 21 август бошланиб, қуролсизлантирилган ҳудудда ёпиқ эшиклар ортида деярли кун бўйи олиб борилган. Музокаралар давом этган бир пайтда иккала томон ўзининг ҳарбий қудратини намойиш қилиши кузатилган. Ҳаттоки Корея яриморолига АҚШнинг стратегик қурол-аслаҳалари, жумладан B-52 бомбардимончи самолётлари ташлангани ҳақида хабарлар ҳам берилган. Қуролсизлантирилган ҳудуддан замбараклардан отишма олиб борилган, бироқ Шимолий Кореянинг таъкидлашича, отишма фақатгина бир томонлама, яъни Жанубий Корея томондан олиб борилган. Можаро қурбонларсиз кечди, бироқ ҳарбий кескинликнинг ошиши ва уруш хавфига олиб келди.