Киевнинг "Динамо" жамоаси яримҳимоячиси Андрей Ярмоленко "Арсенал"га ўтишни истамади. У ўз футболчилик фаолиятини "Барселона"да давом эттиришни орзу қилмоқда.

Sport.es нашри маълумотларига кўра, "Арсенал" бош мураббийи Арсен Венгернинг шахсан ўзи ушбу 25 ёшли футболчи билан гаплашган ва уни Лондонга таклиф этган.

Лекин Ярмоленко бу таклиф учун миннатдорчилик билдирган ҳолда уни рад этган.

"Мен сизнинг қизиқшингиздан жуда хурсандман. Лекин мен "Барселона"да ўйнашни истайман", деб жавоб берган у.

Бироз олдинроқ, каталонияликлар ушбу украиналик футболчини 2016 йилнинг январида Педрога ўринбосар сифатида трансфер қилишни мўлжаллаётганини билдирганди.