Голландиялик режиссёр бўғма илон томонидан кичик буғунинг ютилиши лавҳаларини суратга олди

Жаҳон 04 Сентябрь 2015 8680

Африкада ҳужжатли фильм суратга олаётган режиссёр антиқа ҳодисанинг гувоҳи бўлди. Голландиялик режиссёр 24 соат давомида бўғма илон томонидан ланнинг (буғуларнинг бир тури) ютилиши жараёнини суратга олишга муваффақ бўлди, деб хабар бермоқда The Daily Mail нашри.

44 ёшли Барфусс исмли ушбу режиссёр бўғма илонни Жануби-Ғарбий Африкадаги Квандо дарёси бўйида пайқаб қолди. У бўғма илон буғунинг орқа оёқларидан тутиб олиб, уни бўғган деб тахмин қилди.

Барфусс Африкада ёввойи итлар ҳақида ҳужжатли фильм суратга олаётган пайтда яқинида нимадир шубҳали нарса бўлаётганини пайқаган. “Мен дарҳол суратга олиш жойимни тарк этиб, нима бўлаётганини кўришга ошиқдим. Мен у ерга борганимда, бўғма илон буғуни атрофида ҳалқа ҳосил қилиб бўғиб олган эди”, деб эсламоқда ушбу воқеани режиссёр.

“Бу жуда ўзига тортадиган жараён бўлди. Буғу бир қанча фурсат яна тириклик аломатларини бериб турди, бироқ кўп ўтмай бўғилиб ҳалок бўлди”, деб қўшимча қилган Барфусс.

Барфусс воқеани кузатишда давом этиб, бўғма илон овдан кейин жуда толиққанини қайд этди. У ўз ўлжасини бир кунга ташлаб кетиб, воқеа жойидан ғойиб бўлди. “Бу бўғма илон томонидан анча хатарли иш бўлди, чунки Африкада ўлакса билан тановул қилишни истовчилар етарлича”, деб эсламоқда Барфусс. Бироқ бўғма илон қайтиб келиб, ўз ўлжасини юта бошлади. Илон буғуни тўлиқ ютиб юбориши учун унга 4 соат талаб этилди.

“Африкага 10 йиллик саёҳатим ва 71та экскурсиям давомида мен биринчи марта бундай воқеанинг гувоҳи бўлишим”, деб ўз таассуротлари билан бўлишди режиссёр.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53747 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69324 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36487 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20997 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61409 Жамият
«Раҳбарларимиз ишончини оқлаб ишлашда давом этаман». Фарғоналик мудира барчасини рад этди
Терракота армияси яратилиши сири очилди
22:33 1047 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 688 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 502 Жамият
Кўпроқ янгиликлар