Арманистоннинг Арарат вилоятида мактаб ўқувчиларининг оммавий заҳарланиши содир бўлди. Бу ҳақда республика Соғлиқни сақлаш вазирлиги матбуот хизмати хабар қилди.

Баграмям қишлоғида бир қанча мактаб ўқувчилари шифокорларга чанқоқ, бош айланиши, эт увишиши, умумий ҳолсизлик ва қориндаги оғриқлар билан мурожаат қилишган. Дастлабки маълумотларга кўра, 45 нафар ўқувчи жабрланган.

Болалар ўзларини мактаб ошхонасида сосискали хот-дог еганларидан сўнг ёмон ҳис эта бошлаганини маълум қилишган.
Айни пайтда 43 ўқувчи шифохонага ётқизилган.