Еврокомиссия қочқинлар муаммоларини ҳал қилиш учун Туркияга 1 млрд евро ва Македонияга 700 млн евро беради, деб хабар бермоқда ТАСС ахборот агентлиги.

Бу ҳақда Еврокомиссия раҳбари Жан-Клод Юнкер Европа Иттифоқининг миграция бўйича шошилинч саммити арафасида маълум қилди.

Европа кенгашининг шошилинч йиғилиши 23 сентярбда Тошкент вақти билан соат 21.00да бошланади. Учрашувда 120 минг муҳожирни Европа Иттифоқи давлатлари ўртасида тақсимлаш масаласи муҳокама қилинади.

Аввалроқ Европа кенгаши раҳбари Дональд Туск Европа Иттифоқи давлатларига юборган саммитга очиқ мактуб-таклифномада жорий миграцион инқирозни инсонийликни текширишга синов деб атаган эди.