Skype 21 сентябрда юз берган носозликлар сабабини маълум қилди. Бу ҳақда компаниянинг блогида айтиб ўтилди.

Компания вице-президенти Гурдип Паллнинг айтишича, Skype бундан аввал жуда ката янгиланмани чиқарган эди, айнан шу янгиланма кўпчилик фойдаланувчиларда носозлик келтириб чиқарган. Кейин фойдаланувчилар фаол равишда қайта уланишга ҳаракат қилганларида, трафикка катта юклама тушган ва бу ҳолат катта муаммоларга олиб келган.

Компания ушбу ҳолат юзасидан ўз узрини келтириб ўтди ва фойдаланувчиларга қулайлик яратиш Skype учун энг устувор вазифа эканлигини қўшимча қилди.